Biz merdana Watançylar, bize mertebe – kasamdyr,

Tugumyza deňleşýäris, ýöriş nyzamly gadamdyr,

Gorajagmyz, uýjagymyz berkarar, eziz Watandyr,

Asudalyk senamyzdyr, Watandyr şirin janymyz,

Belent Serkerdebaşymyz – dünýäde şöhrat-şanymyz!

Harby gulluk – mertlige şan, ýurt goragy mukaddesdir,

Gerek bolsa janlar gurban, belent başlar egilmezdir,

Goragynda durýas mydam, abraýyna degilmezdir,

Asudalyk senamyzdyr, Watandyr şirin janymyz,

Belent Serkerdebaşymyz – dünýäde şöhrat-şanymyz!

Galjaň hem eserdeň bolsak, jemgyýetiň rahatlygy,

Iň esasy maksadymyz, raýatlaryň abatlygy,

Doktrinamyz goranmak Türkmen göwnüniň aklygy,

Asudalyk senamyzdyr, Watandyr şirin janymyz,

Belent Serkerdebaşymyz – dünýäde şöhrat-şanymyz!

Sak goragy üpjün edip, nobatçylyk edýäs her gün,

Nyzam bilen gadam urýas, gullugmyzda tertip-düzgün,

Merdana edermen bolmak maksadydyr şahsy düzmüň,

Asudalyk senamyzdyr, Watandyr şirin janymyz,

Belent Serkerdebaşymyz – dünýäde şöhrat-şanymyz!

Watanmyzyň ösüşlerniň dowamaty dowam bolsun!

Eziz Arkadagymyzyň belent başy aman bolsun!

Sarsmaz goşunly döwletde ýollar bagta rowan bolsun!

Asudalyk senamyzdyr, Watandyr şirin janymyz,

Belent Serkerdebaşymyz – dünýäde şöhrat-şanymyz!

Şöhrat Maşaripow.