Geldim goragyňa men juwan ýaşda,

Mukaddes kasamym ilkinji başda.

Harby tälim alyp tomus, güýz, gyşda,

Watan, seniň tarypyňa söz açdym.

Bäş müň ýyla siňen goja taryhyň,

Sözüm ýetmez ýetirsem-de tarypyn.

Borjun berjaý edip harby talybyň,

Watan, seniň geçmişiňe söz açdym.

Türkmen edermeniň gerip dur döşüň,

Aziýanyň merjeni saçyp dur öwşün.

Beýan edip seni ýürekden söýşüm,

Watan, seniň şu günüňe söz açdym.

Ösüşli ýollaryň bolmasyn çeni,

Ýene-de görmekçi görenler seni.

Umydym uludyr,bilsediň meni,

Watan, seniň geljegiňe söz açdym.

Başym gurban ene toprak ýerime,

Gysym gumuň täçden gymmat serime.

Başarşymça galam alyp elime,

Watan, seniň tarypyňa söz açdym.

Baýramdurdy Tarhanow,

TGM-niň Harby institutynyň harby talyby.