Ene toprak, saňa edýärin tagzym,
Gursagymda synmaz söýgim bar, Watan.
Seni goramaklyk mukaddes parzym,
Başymyň täji sen, jana-jan Watan.

Parahatlyk halkymyzyň söýýäni,
Bitarap ýol – Arkadagyň saýlany,
Taryplap seň waspyňyzdan doýmaly,
Dilleriň senasy – mähriban Watan.

Pederlermiň synmaz ruhy siňeni,
Çalýar asudalyk bagtyň heňini,
Bu älemde tapmaryn seniň deňiňi,
Ýeňişlere mydam bolýaň ýar, Watan.

Tebigatyň egsilmejek genji bar,
Garagumyň, Amyderýaň pendi bar.
Şahyrlaryň seň waspyňa bendi bar,
Bagtlylaryň mekany, jana-jan Watan.

Arkadagly öňe barýar diýarym,
Toý baýramda geçýär halkym-gülaýym,
Berekediň egsilmesin ylaýym,
Ýaşa sen, ýaşa sen, jana-jan Watan,
Dilleriň senasy, mähriban Watan.

Arslan Çaryýew,

lukman.