1828
Ýürek seni wasp edipler gananok,
Kalbymyň aýdymy, eziz Watanym.
Göreçlerim gül görküňden doýanok,
Başymyň täji sen, eziz Watanym!
Gözlere röwşensiň, didä nursuň sen,
Aýdymlara ylham berýän sedasyň.
Ýüreklerde bakysyň sen, bir bilseň,
Köňlümiň owazy, eziz Watanym.
Goýnuňda ýatandyr mertleň-şirleriň,
Dilleri dogaly ägirt pirleriň,
Keremiňe uýýar ulus-illeriň,
Başymyň täji sen, eziz Watanym!
Ýaşyl Tuguň ömürbaky penamdyr,
Ysssy mähriň dillerimde senamdyr,
Ak ýollaryň diňe öňe dowamdyr,
Başymyň täji sen, eziz Watanym.
Dürşat Amannepesowa,
Türkmen döwlet medeniýet institutynyň talyby.
Meňzeş habarlar
