Oguz atam, Görogly dek ärleriň,

Merdanlaryň bilen ata Watan sen.

Gowşut hanyň Nurberdi dek zorlaryň,

Serdarlaryň bilen ata Watan sen.

Bäş müň ýyla deňdir ajap taryhyň,

Köpdür Azady dek alym-aryfyň.

Pyragy, Seýdi edip tarypyň,

Şahyrlaryň bilen ata Watan sen.

Halkyň döwletlilik maksadyn tutan,

Süýji arzuwlaryň arzuwa gatan.

Jebisleşip Garaşsyzlyga ýeten,

Zamanlaryň bilen ata Watan sen.

Arkadag getirdi ajap eýýamy,

Döwrümize berdi täze bir many.

Halkyna eçildi bagtly zamany,

Zamanlaryň bilen ata Watan sen.

Dynçlykdyr halkymyň arzuw niýeti,

Bu gün şaýat muňa dünýäň dört çeti.

Ýurdumda gurulan ajap jenneti,

Gurýanlaryň bilen ata Watan sen.

Geldi döwran, näçe asyr islenen,

Arkadagdyr göwünlerde bellenen.

Bu gün toýuňa müňläp dost-dogan gelen,

Myhmanlaryň bilen ata Watan sen.

Amangylyç Öwezmyradow, 

esger.