Kölde gamyş, kiriş bolup çaýkanar,

Şol owazy çalyşmaryn hiç zada.

Han-ha,  pöwrize dek mawy tolkunlar,

Hüwdüleýär,  gazal düzýär Watana.

Altyn diýseň – ýaprak, kümüş diýseň – suw,

Rysgal diýseň – toprak, derýalarda   luw,

Bulutlaryň topbak, gök ýüzünde guw,

Arşyň-kürsüň gözel, eziz Watanym!

Ýazlaryňdan ylham alýan ýüregim,

Tirýär gözelligin anbar çemeniň.

Razy, ykbalymdan ýeke dilegim –

Senden aýyrmasyn, eziz Watanym!

Ylhamymsyň, melhemimsiň, demimsiň!

Ak ganatly umydymsyň, daňymsyň!

Bu barlygy beren, Süleýmanymsyň!

Hany-manym, dünýe-malym, Watanym!

Kalbymyň  rahady, gözümiň nury,

Elwan şapagyňda,  ýüregmiň bary,

Seň barlygyň güýçdür,  geljege sary,

Öňe, diňe öňe, barýaň Watanym! 

Güljahan Altybaýewa,

TGM-niň B.Annaýew adyndaky

1-nji Ýöriteleşdirilen harby mekdebiniň mugallymy.