1731
Watan, saňa gurban bu şirin janym,
Damarda gaýnaýan gyrmyzy ganym.
Watanym – keremli daglar deý penam,
Daň-säherler
meniň dilimde senam.
Watan – daman ýeri göbek ganymyň,
Badalgasy abraý, şöhrat-şanymyň.
Dagyň-düzüň, daban ýeriň gerek seň,
Gursagymda
gürsüldeýän ýürek sen.
Garaşsyzlyk alyp, galkyndy Diýar,
Ýagtyldy gijeler, nurlandy kuýaş.
Çarýanyň lälezar, çarýanyň bossan,
Bagşy aýdym aýdýar, ozanam – dessan.
Garaşsyzlyk, Bitaraplyk Baýdagym,
Ýürekdäki soňlanmajak aýdymym.
Halkymyň toý-baýramy sen, döwre sen,
Arkadagym bilen
bir jan, göwre sen.
Watan, seň her günüň sapaly bolar,
Gorar perzentleriň, wepaly bolar.
Dowamy boljagyna, beýik asyllaň,
Dyza çöküp, kasam
edýär nesilleň.
Merdan Nobatow.
Meňzeş habarlar
