Watan! Bu ýüregi ýaraýjak bolýar,

Saňa bolan çäksiz söýgim gursakda,

Ýazýan, onsaň setirlerim ogşaýan,

Çünki, olaň bary diňe sen hakda!

Watan! Sende meniň şuglaly ýolum,

Şol ýollaňdan bagtlylyga barýaryn,

Güllerden dolduryp sagym hem solum,

Buýsanç bilen öňe ädim urýaryn.

Watan! Sende nurly güneşim dogýar,

Mähriňden ýagtylyp geçýär gijelem,

Ösüşleriň günbe-günden güýç alýar,

Toýlaryňa şaýat bolýar didelem.

Watan! Sen geçmişden ata-babalaň,

Bize miras goýan mukaddesligi,

Mähriban goýnuňda körpe çagalaň,

Ýaňlanýar şadyýan gülki sesleri.

Watan! Mekanysyň Bitaraplygyň,

Bu gün adyň dünýä dolýar pajarlap,

Şatlyk berdi ile Garaşsyzlygyň,

Ýaşa, ýaşa Watan, ýaşa asyrlap!

Kerwen Miriýew,

Türkmenistanyň Döwlet migrasiýa gullugynyň

Merkezi edarasynyň harby gullukçysy, leýtenant.