698
Deňemerin
baglarynyň gülüni,
Hiç bir
muzdum bilen, baýlygym bilen.
Topragyna
ömür goýaryn başy,
Bir gysym topragy jana deňelen.
Joşgun berlip çöken ýürek taryma,
Galkynaryn,
buýsanaryn adyňa.
Jandan geçip,
serhoş bolup badyňa,
Dolanaryn gitsem, bagryňa, Watan!
Saňa söýgim
ýürekdäki ataşym,
Saňa Watan
ömrüm, pagyş-parymdyr.
Sende görüp
beýik söýgiň nusgasyn,
Bir gysym topragyň dünýe malymdyr.
Meniň
ýüregimiň nurlanmagy-da,
Gaýgymyň
syrylyp ýazlanmagy-da,
Ömrüme
berilen şu gysga döwrüň,
Ýazlara beslenip sazlanmagy-da,
Seniň bilen, Watan!
Diýar Ojibaýew,
esger.
Meňzeş habarlar
