Berkarar döwletimiziň bagtyýarlyk döwründe hormatly Prezidentimiz, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedow ýurdumyzyň Ýaragly Güýçlerini ösdürmek, harby gullukçylaryň hünär ussatlygyny ýokarlandyrmak hem-de Milli goşunymyzyň maddy-enjamlaýyn binýadyny pugtalandyrmak babatynda bimöçber aladalary edýär. Gahryman Arkadagymyzyň jöwher zehininden syzylyp çykan «Watan goragy mukaddesdir»,  «Mertler Watany beýgeldýär», «Mert ýigitler gaýrat üçin dogulýar» atly atalyk kitaplary Watan goragçylarymyz hem-de merdana harby gullukçylarymyz üçin görelde mekdebi bolup durýar.

Watany söýmek, onuň her bir daban topragyny gözüň göreji deýin goramak, Watanymyzyň ösüşine öz halal zähmetimiz bilen goşant goşmak biziň mukaddes borjumyz bolup durýar. Hormatly Prezidentimiziň bu ajaýyp eserleriniň her birini okanyňda watansöýüjilik, agzybirlik, parahatçylyk, dost-doganlyk, adalatlylyk, halallyk ýaly ajaýyp duýgular  kalbyňy gurşap alýar. Taryhda ata-babalarymyz goňşy halklar bilen ýüze çykan meseleleri parahatçylykly ýol bilen çözmäge çalşypdyrlar, muňa eserlerde getirilen halk rowaýatlary, nakyllar, atalar sözleri mysal bolup durýar. Mundan başga-da, asyrlaryň dowamynda türkmen halkynyň wepadar hemrasy bolan ahalteke behişdi bedewleri, gaýduwsyz türkmen esger ýigitleri barada eserlerde çeperçilik bilen beýan edilýär.

Hormatly Prezidentimiz, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedow serhet galalaryna baryp, esgerleriň hal-ýagdaýy bilen tanşyp, olar bilen söhbetdeş bolmagy esger ýigitlerimiziň ertirki güne bolan ynamyny has-da ýokarlandyrýar. Gahryman Arkadagymyz harby gullukçylar we olaryň maşgala agzalarynyň ýaşaýyş-durmuş şertleri üçin ähli şertleri döredip berýär.

Watan goragçylarynyň güni bilen Gahryman Arkadagymyzy, sarsmaz galamyz bolan  merdana Watan goragçylarymyzy tüýs ýürekden mähirli gutlaýaryn!

Türkmen halkyny baky Bagtyýarlyk daňyna ataran Gahryman Arkadagymyzyň jany sag, başy dik tutýan tutumly işleri hemişe rowaç bolsun!

Atajan Eýýupow,

D.Azady adyndaky TMDDI-niň talyby.