2519
Meniň Watan hakda aýdan aýdymlam
Ejemjanyň hüwdüsinden gaýdýandyr.
Meniň Watan hakda aýdan aýdymlam
Çagajyklaň gülkisinden gaýdýandyr.
Ak köýnekli, ak arzuwly ätlenen,
Ak mekdebiň gapysyndan gaýdýandyr.
Ömürboýy mähir bilen ýatlanan
Şo-ol ilkinji jaň sesinden gaýdýandyr.
Nesilleri ýurduň geljegi saýýan
Arkadagyň ynamyndan gaýdýandyr.
Watana söýgini gursaga guýýan
Şahyrlaryň galamyndan gaýdýandyr.
Meniň Watan hakda aýdan aýdymlam
On iki süňňüm, ýüregimden gaýdýandyr.
Watan goragynda elime alan
Parahatlyk ýaragymdan gaýdýandyr.
Golumda göterip ýaşyl Baýdagy
Iň buýsançly gadamymdan gaýdýandyr.
Öz öňümde hem Watan öňünde,
Eden beýik kasamymdan gaýdýandyr.
Seýitnazar Çarymyradow,
esger.
Meňzeş habarlar
