1137
Pederlerden miras galdy bu diýar,
Berkarar döwletde ilim bagtyýar,
Ýurdumyz özgerýär, ösýär, gülleýär,
Jan Watanym, eziz Türkmenistanym!
Gujak açýar Awazaly Hazarym,
Ýüpek ýoluň merkezidir Garagum,
Dünýä haýran salyp saňa nazaryn,
Jan Watanym, eziz Türkmenistanym!
Hak eçilmiş rysgal-döwlet türkmene,
Ýurdum öňe barýar Arkadag bile,
Halkymyzyň ykbaly meňzeýär güle,
Jan Watanym, eziz Türkmenistanym!
Nazar aýlap harby ogluň geçmişe,
Pent edinip barýan bagtly geljege,
Şükür edýäs dost-doganlyk güne,
Jan Watanym, eziz Türkmenistanym!
Polat Kaşetow,
TGM-niň Harby institutynyň harby talyby.
Meňzeş habarlar
