1849
Salam, daň säheriň tämiz şapagy,
Ýüzümi sürteýin gülleň çygyna.
Şu pursat syrlaşyp, geliň, bileje
Joşup hat ýazaly
esger agama.
«Agam, hakla mydam Watan duzuny,
Pederleriň ak ýoluny dowam et.
Her daban ýerini namysyň saýyp,
Gora, geçsin nesillere
dowamat.
Bizem sag-salamat, ömrümiz abat,
Seniň ýoluňdadyr goşa gözümiz.
Watany goragyn, Watan oglusyň,
Hakla ene süýdün,
halal duzumyz.
Esger agam, hiç darykma, kalbyňy
Deňiz deý giň sakla, belentde tutgun.
Ata pendin, ene sargydyn besläp,
Buýsanç bilen
ojagyňa sag gaýtgyn».
Annajemal Çaryýewa.
Meňzeş habarlar
