Türkmenistan Ykdysady Hyzmatdaşlyk Guramasynyň döwlet Baştutanlarynyň XV Sammitini geçirmäge taýýarlyk görýär. Bu ugurda işleriň gidişi barada hökümetiň wideoaragatnaşygy arkaly mejlisinde wise-premýer, Türkmenistanyň DIM-niň ýolbaşçysy R. Meredow aýtdy.

Ol YHG-nyň XIV Sammitinde Türkmenistanyň bu gurama başlykyygy kabul edendigini, şonuň bilen baglylykda degişli Konsepsiýanyň işlenilip taýýarlanandygyny habar berdi. Ony durmuşa geçirmegiň çäklerinde häzire çenli ministrleriň duşuşykarynyň birnäçesi geçirildi. Mundan başga-da, iýun aýynda YHG agza ýurtlaryň energetika ministrleriniň 4-nji we milli statistika edaralarynyň ýolbaşçylarynyň 5-nji duşuşygyny geçirmek göz öňünde tutulýar. Şeýle hem türkmen daşary syýasat edarasynyň ýolbaşçysy 28-nji noýabrda Aşgabatda YHG-nyň XV Sammitini geçirmegiň göz öňünde tutulýandygyny habar berdi, oňa taýýarlygyň meseleleri guramanyň Baş sekretary bilen 16-njy iýunda geçirilen duşuşykda ara alnyp maslahatlaşyldy. Şunuň bilen baglylykda hatarynda Türkmenistanyň ministrlikleriniň we pudaklaýyn edaralarynyň ýolbaşçylary bolan Guramaçylyk iş toparyny döretmek göz öňünde tutulýar.