«Rönesans Holding» kompaniýasynyň prezidenti Erman Ylyjagyň Türkmenistanyň Prezidenti Gurbanguly Berdimuhamedowa iberen hatynda şeýle diýilýär:

«Rönesans Holding A.Ş.» kompaniýasynyň adyndan we öz adymdan «Diwan» myhmanhanasynyň açylyş dabarasynyň çäklerinde mähirli kabul edendigiňiz üçin tüýs ýürekden hoşallyk bildirýärin.

Şol taslama boýunça Türkmenistanyň hyzmatdaşy bolmak kompaniýamyz üçin uly hormatdyr we biziň goşandymyzyň türkmen paýtagtynyň gözelligini we ajaýyplygyny has-da artdyrjakdygyna umyt edýärin.

Şeýle hem Siziň ylmy işiňiziň -- «Türkmenistanyň dermanlyk ösümlikleriniň» 12-nji kitabyny sowgat berendigiňiz üçin aýratyn hoşallygymy beýan etmek isleýärin.

Size berk jan saglyk, ruhubelentlik, türkmen halkyna bolsa parahatçylyk we rowaçlyk arzuw edýärin!»