Türkmenistanda Milli bahar baýramyna – Halkara Nowruz gününe bagyşlanyp ählihalk bag ekmek çäresi geçirildi. Şäheriň ýene bir işewürlik we durmuş-medeni merkezi döredilýän demirgazyk böleginde tiz wagtda Aşgabadyň bu künjegine bezeg berjek täze seýilgähde nahallar oturdyldy. Medeniýet we sungat işgärleriniň çykyşlary şu günki waka aýratyn röwüş çaýdy.

Şu ýyl tutuş ýurdumyz boýunça ýaprakly, pürli, miweli agaçlaryň  we üzüm nahallarynyň millionlarçasy ekiler.

Köpçülikleýin bag ekmek çäresi ýurdumyzda asylly däbe öwrüldi. Şeýle  çäreler il bähbitli işlere dahylly bolmak isleýän adamlary jebisleşdirýär. Bag ekmek çäresine ministrlikleriň we pudaklaýyn dolandyryş edaralarynyň ählisi, welaýatlaryň we paýtagtyň häkimlikleri gatnaşdylar.