Bu günki baýramçylyk dabaraly harby ýörişinde Döwlet münberiniň öňündäki meýdançada Türkmenistanyň Goranmak ministrliginiň Aýratyn Hormat garawuly batalýonynyň harby gullukçylarynyň şahsy düzüminiň takyklygy, ykjamlygy, hatarlarynyň sazlaşygy, ýokary nyzam emelleri bilen ýatdan çykmajak keşpleri döretmegi halkymyzyň baýramçylyk ruhuna ruh goşdy. 

Harby ýörişiň şu ajaýyp pursadynda Aýratyn Hormat garawuly batalýonynyň harby gullukçylary meýdançada Magtymguly Pyragynyň ýadygärliginiň şekilini emele getirdiler. Olaryň milli buýsanjymyza öwrülen Garaşsyzlyk binasyny, şöhratly Garaşsyzlygymyzyň şanyna «33» ýazgyny şekillendirmegi, harby we hukuk goraýjy edaralarynyň birleşen harby orkestriniň baýramçylyk çykyşlary ýatda galyjy wakalara öwrüldi.

Dabaraly harby ýörişden täsirli pursatlary  «Multimedia» bölümimizde görüp bilersiňiz!