19-njy fewralda Türkmenistanyň Daşary işler ministrliginiň Halkara gatnaşyklary institutynda hormatly Prezidentimiz Gurbanguly Berdimuhamedowyň «Abadançylygyň röwşen gadamlary» atly täze kitabynyň tanyşdyrylyş dabarasy geçirildi.

Tanyşdyrylyş çäresine gatnaşyjylar milli Liderimiziň bu kitabynyň ýurdumyzyň Diplomatik işgärleriniň gününe ajaýyp sowgat bolandygyny bellediler. Kitapda döwlet Baştutanymyzyň jemgyýetçiliginiň öňünde eden çykyşlary ýerleşdirilýär. Onda ýurdumyzy ösdürmegiň dürli wezipeleri, daşary syýasat, ykdysadyýet, medeniýet, ylym we beýleki ugurlar baradaky pikirler jemlenendir. Şonuň bilen birlikde täze neşire döwletimizi mundan beýläk-de ösdürmäge degişli teklipler beýan edilýär.