Ruhyýet köşgünde Türkmenistanyň saýlanan Prezidenti Serdar Gurbangulyýewiç Berdimuhamedowyň wezipä girişmegi mynasybetli dabara geçirildi. Dabarada hormatly Serdar Berdimuhamedowyň sag elini Türkmenistanyň Konstitusiýasyna goýup, Türkmenistanyň halkyna kasam kabul etmegi ähli watandaşlarymyzy buýsandyrdy. Bu mukaddes kasam ata Watanymyza, mähriban halkymyza wepalylygyň kasamydyr. Türkmenistanda saýlawlary we sala salşyklary geçirmek baradaky Merkezi toparyň başlygy türkmenistanlylaryň ählisiniň adyndan dabaraly ýagdaýda saýlanan döwlet Baştutanyna Türkmenistanyň Prezidentiniň şahsyýetnamasyny gowşurdy. Dabarada ýaňlanan Döwlet senamyz eziz Watanymyza, saýlanan Türkmenistanyň Prezidentine söýgimiziň owazy boldy.

Hormatly Serdar Berdimuhamedowy Türkmenistanyň Prezidenti wezipesine girişmegi bilen gutlap, döwletimiziň we halkymyzyň bähbidine durmuşa geçirjek işlerinde uly üstünlikleri arzuw edýäris.

«Milli goşun».