Şenbe güni – 16-njy noýabrda paýtagtymyzdaky Jemgyýetçilik guramalarynyň merkezinde Magtymguly adyndaky Ýaşlar guramasynyň döredilen güni mynasybetli ýurdumyzyň zähmetde, döredijilikde aýratyn tapawutlanan ýaşlaryna Türkmenistanyň Ýaşlar baýragynyň gowşurylyş dabarasy geçirildi.

Dabaranyň başynda Diýarymyzda döredilýän giň mümkinçiliklerden ruhlanýan ýaşlaryň gazanýan üstünliklerine buýsanjynyň beýany bolan «Ýaşlar Size alkyş aýdýar, Arkadagly Gahryman Serdarymyz!» atly alkyşnama şowhunly el çarpyşmalar bilen garşylanyldy. Soňra «Türkmenistanyň Ýaşlar baýragynyň eýesi» diýen ada mynasyp bolanlara hormatly Prezidentimiziň adyndan gymmat bahaly sowgatlar, şahadatnama we Magtymguly Pyragynyň doglan gününiň 300 ýyllygyna bagyşlanan «Magtymguly» kitaby dabaraly ýagdaýda gowşuryldy.