Watan goragçylarynyň güni mynasybetli Türkmenistanyň Goranmak ministrliginiň Harby institutynda Türkmenistanyň harby we hukuk goraýjy edaralarynyň harby gullukçylarynyň we işgärleriniň arasynda yglan edilen sportuň birnäçe görnüşleri boýunça geçirilen ýaryşlaryň ýeňijilerini sylaglamak dabarasy geçirildi. Oňa ýurdumyzyň harby we hukuk goraýjy edaralarynyň harby gullukçylary, işgärleri hem-de türgenleri gatnaşdylar.

  Watan goragçylarynyň güni mynasybetli harby we hukuk goraýjy edaralaryň şahsy düzüminiň arasynda sporty, köpçülikleýin bedenterbiýäni ösdürmek, sagdyn durmuş ýörelgesini giňden wagyz etmek maksady bilen geçirilýän sport ýaryşlary Garaşsyzlygymyzyň gazananlarynyň goragynda duran merdana nesilleriň buýsanjyny ýene bir ýola belende göterdi.  Sport ýaryşlaryna gatnaşyjylar ýaşlaryň diňe bir Watana hyzmat etmekde däl, eýsem, bedenlerini berkitmekde, sport bilen meşgullanmakda, sagdyn durmuş ýörelgelerine eýermekde Gahryman Arkadagymyzyň we Arkadagly Gahryman Serdarymyzyň nusgalyk ýoly döredendiklerini nygtadylar

Sport ýaryşlary birnäçe günüň dowamynda gyzgalaňly häsiýetde, çekeleşikli dowam etdi. Ýaryşlaryň netijeleri boýunça ýeňijiler yglan edildi. Ýeňiş gazanan türgenlere we toparlara Hormat hatlary hem-de Türkmenistanyň Magtymguly adyndaky Ýaşlar guramasynyň Aşgabat şäher geňeşi tarapyndan ýadygärlik sowgatlary dabaraly ýagdaýda gowşuryldy.