Garaşsyz, hemişelik Bitarap Türkmenistanyň başlangyjy esasynda  ýurdumyzyň ykdysadyýetine daşary ýurt maýa goýumlaryny çekmek boýunça 23-24-nji aprelde Malaýziýanyň paýtagtynda Malaýziýanyň Kuala-Lumpur şäherinde geçirilýän halkara göçme forum öz işine başlady. Forum maýa goýumlary çekmekde özara bähbitli hyzmatdaşlygy giňeltmäge we işjeň gatnaşyklary ösdürmäge itergi berer.

Hormatly Prezidentimiziň Türkmenistanyň ykdysadyýetine daşary ýurt maýa goýumlaryny çekmek boýunça halkara foruma gatnaşyjylara iberen Gutlagynda nygtalyşy ýaly, halkara forumyň dowamynda oňa gatnaşýanlar uglewodorod ýataklaryny özleşdirmek, gaz geçirijileriň eksport mümkinçilikleri, tebigy gazy gaýtadan işlemek we gazhimiýa pudagyna maýa goýumlary çekmegiň ileri tutulýan ugurlary barada tejribe alşarlar.