milli goshun logo
Türkmenistanyň Prezidentiniň adyna BMG-niň Baş sekretaryndan hat gelip gowuşdy
Türkmenistanyň Prezidentiniň adyna BMG-niň Baş sekretaryndan hat gelip gowuşdy
1 gün öň 46 Habarlar

Hormatly Prezidentimiz Serdar Berdimuhamedowyň adyna BMG-niň Baş sekretary Antoniu Guterrişden hat gelip gowuşdy.

Hatda döwlet Baştutanymyza 2025-nji ýylyň 5 — 8-nji awgustynda Awazada Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatyny geçirmek baradaky başlangyjy üçin hoşallyk beýan edilýär. BMG-niň Baş sekretary öz hatynda Türkmenistanyň dünýäniň çar künjeginden gatnaşyjylary, şol sanda döwlet we hökümet Baştutanlaryny, raýat jemgyýetini, ýaşlaryň, köpçülikleýin habar beriş serişdeleriniň wekillerini umumy gün tertibiniň daşyna birleşdirmek boýunça eden tagallalaryna ýokary baha berýär. Bu çäräniň deňze çykalgasy bolmadyk ösüp barýan döwletlere durnukly we inklýuziw ösüşi gazanmaga mümkinçilik bermek üçin milli hereketleri, sebit hyzmatdaşlygyny, ählumumy syýasy tagallalary özara ylalaşmakda möhüm orny eýeländigi nygtalýar.

Şeýle hem hem hatyň mazmunynda Awaza syýasy Jarnamasy we Hereketleriň Awaza maksatnamasy Geljegiň bähbidine pakt hem-de durnukly ösüş ulgamynda 2030-njy ýyla çenli döwür üçin Gün tertibi bilen baglanyşykly bolup, geljek on ýyl üçin hereketleriň meýilnamasydygy aýdylýar. Bu borçnamalaryň söwda amallaryny ýeňilleşdirmäge, düzümleýin özgertmelere, ulag arabaglanyşygyna, tehnologiýalara, howanyň üýtgemegine durnuklylygy pugtalandyrmaga we halkara goldawy herekete getirmäge aýratyn ähmiýet bermek bilen, Durnukly ösüş maksatlaryna ýetmek işini çaltlandyrjakdygy bellenilýär.

Antoniu Guterriş Hereketleriň Awaza maksatnamasyny doly we netijeli durmuşa geçirmek işinde türkmen tarapy bilen ýakyndan hyzmatdaşlyk etmek mümkinçiligine sabyrsyzlyk bilen garaşýandygyny hatynda aýratyn nygtaýar.