Paýtagtymyzda geçirilen telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel – 2024» atly XVII halkara sergisiniň jemleýji gününde Türkmenistanda sanly ykdysadyýeti ösdürmekde programma üpjünçiligini işläp düzýän we innowasion oýlap tapyşlar, startaplar bilen meşgullanýan ýaşlary ýüze çykarmak hem-de höweslendirmek maksady bilen, «Türkmenaragatnaşyk» agentligi tarapyndan geçirilýän «Sanly çözgüt – 2024» innowasion taslamalar bäsleşiginiň jemini jemlemek we ýeňijileri sylaglamak dabarasy boldy.

Eminler toparynyň gelen netijesine görä, jemi 42 sany ýaş oýlap tapyjy ýeňiji diýlip yglan edildi we olara diplomlar, hormatly Prezidentimiziň adyndan gymmat bahaly sowgatlar dabaraly ýagdaýda gowşuryldy.