S.A.Nyýazow adyndaky Türkmen oba hojalyk uniwersitetinde Ermenistanyň Milli agrar uniwersitetinden (EMAU) oba hojalyk ylymlarynyň professory Gamlet Martirosýanyň wideosapagy guraldy.

Talyplar üçin niýetlenen sapak 2017-nji ýylyň awgustynda hormatly Prezidentimiz Gurbanguly Berdimuhamedowyň Ermenistan Respublikasyna bolan resmi saparynyň barşynda gol çekilen ýokary okuw mekdepleriniň arasyndaky ylalaşygy amala aşyrmagyň çäklerinde guraldy.

EMAU-nyň agronomçylyk fakultetiniň ösümlikçilik we topragy öwreniş kafedrasynyň professory «Oba hojalyk ekinleriniň seçgiçiliginiň we tohumçylygynyň häzirki ýagdaýy we geljekde ösdürmegiň ugurlary» diýen mowzuk boýunça sapak berdi.

Ol mysal hökmünde Ermenistanyň Agrar uniwersitetiniň, bu ýurduň beýleki seçgiçilik merkezleriniň degişli ugurda ylmy gazananlaryny getirdi. Sapak tamamlanandan soň, professor Martirosýan oňa gatnaşan türkmen talyplarynyň hem-de professor-mugallymlaryň sowallaryna jogap berdi.