Şenbe güni – 12-nji oktýabrda Türkmenistanyň Daşary işler ministrliginiň Halkara gatnaşyklary institutynda Magtymguly Pyragynyň goşgularynyň ermeni diline terjime edilen neşiriniň tanyşdyrylyş dabarasy boldy.

Dabarada edilen çykyşlarda bellenilişi ýaly, Magtymguly Pyragy umumadamzat ähmiýetli taglymlary bilen dünýä edebiýatynyň hazynasynda müdimilik orun aldy. Onuň döredijilik mirasyny hemmetaraplaýyn öwrenmek bilen bagly işler giň goldawa eýe bolýar. Şahyryň goşgularynyň ermeni diline terjime edilmegi hem munuň aýdyň mysalydyr.

Şeýlelikde, beýik söz ussadynyň goşgular ýygyndysynyň ermeni diline terjime edilmegi iki ýurduň halklarynyň arasyndaky medeni gatnaşyklary hem-de dostlugy pugtalandyrmakda nobatdaky ädim boldy.