23-nji iýunda Türkmenistanyň Prezidentiniň Russiýa Federasiýasynyň Tatarystan Respublikasyna amala aşyran iş saparynda Tatarystanyň Prezidenti türkmen Lideriniň şu saparyna hyzmatdaşlygy pugtalandyrmagyň we giňeltmegiň ýolunda nobatdaky ädim hökmünde baha berilýändigini nygtady. Tatarystanyň Prezidenti Rustam Minnihanow iki halkyň özara gyzyklanmasyny, ikitaraplaýyn gatnaşyklaryň ulgamlaýyn strategik häsiýetini nazarda tutup, Kazanda Türkmenistanyň Baş konsullygyny açmak baradaky teklibi aýtdy.

Döwlet Baştutanymyz Rustam Minnihanowyň Kazanda Türkmenistanyň konsullygyny açmak baradaky teklibini diňe bir goldaman, eýsem, türkmen we tatar paýtagtlaryny baglanyşdyrýan howa gatnawlaryna isleg artan halatynda, onuň sanyny köpeltmegiň mümkinçilikleri barada hem aýtdy.