24-nji aprelde hormatly Prezidentimiz Gurbanguly Berdimuhamedow paýtagtymyzyň Parahat-7 ýaşaýyş toplumynda ýerleşen metjidinde mukaddes Oraza aýynyň birinji gününde agzaçar sadakasyny berdi.

 Aşgabadyň şähergurluşyk toplumy bilen aýratyn sazlaşyk döredýän metjidiň çäginde döwlet Baştutanymyz hormatly ýaşulular bilen gürrüňdeş bolup, olara jemgyýetimiziň hem-de döwletimiziň durmuşynda ägirt uly ähmiýete eýe bolan çärelere, şeýle hem şu günlerde Türkmen bedewiniň milli baýramy mynasybetli geçirilýän baýramçylyk dabaralaryna işjeň gatnaşýandyklary üçin minnetdarlyk bildirdi.

Soňra Döwlet Baştutanymyz sadaka berilýän jaýa barýar. Bu ýerde milli Liderimiz Türkmenistan, onuň gadymy taryhy, özboluşly däpleri we häzirki güni barada döreden ajaýyp eserlerinden düşen galam haklarynyň hasabyna sadaka berdi.

Soňra Türkmenistanyň müftüsi tebärek çykdy. Şondan soňra nahar çekildi. Nahardan soň, aýat-töwir okaldy we hormatly Prezidentimiziň mukaddes Oraza aýynyň birinji gününde beren agzaçar sadakasynyň Beýik Biribaryň dergähinde kabul bolmagy dileg edildi.

Döwlet Baştutanymyzyň adyndan paýtagtymyzyň Hezreti Omar metjidine awtoulag sowgat berildi.