3-nji iýunda Türkmenistanda hormatly Prezidentimiz Gurbanguly Berdimuhamedowyň başlangyjy esasynda Birleşen Milletler Guramasynyň Baş Assambleýasy tarapyndan esaslandyrylan Bütindünýä welosiped güni giňden bellenildi.

Hormatly Prezidentimiz Gurbanguly Berdimuhamedow Bütindünýä welosiped gününe bagyşlanyp geçirilen uly baýramçylyk çäresine gatnaşdy.

Ir säher bilen paýtagtymyzyň ýaşaýjylarynyň müňlerçesi Köpetdagyň etegindäki Saglyk ýolunyň badalga alýan ýerindäki seýilgähiň ýanyna ýygnandylar.

Bu ýerde geçirilen çärä hökümet agzalary, Türkmenistanyň Mejlisiniň, harby we hukuk goraýjy edaralarynyň, ministrlikleriň we pudaklaýyn dolandyryş edaralarynyň ýolbaşçylary, jemgyýetçilik guramalarynyň we köpçülikleýin habar beriş serişdeleriniň, dürli zähmetkeşler toparlarynyň wekilleri, daşary döwletleriň ýurdumyzdaky ilçihanalarynyň, halkara guramalaryň wekilleri paýtagtymyzdaky ýokary okuw mekdepleriniň talyplary we mekdep okuwçylary gatnaşdylar.