Türkmenistanyň Halk Maslahatynyň mejlisinde Döwlet Baştutanymyz býujet serişdeleriniň 70 göteriminden gowragynyň obalaryň, şäherçeleriň, etraplardaky şäherleriň we etrap merkezleriniň ilatynyň durmuş we ýaşaýyş şertlerini gowulandyrmak üçin sarp edilýändigini aýtdy.

— Geljek ýyl, döwlet býujetiniň hasabyna maýyplar we goldawa mätäç raýatlar üçin ýaşaýyş jaýlaryny gurmagy dowam etdireris — diýip, döwlet Baştutanymyz aýtdy. — Munuň bilen birlikde, ykdysadyýetiň senagat pudaklaryny ösdürmek üçin bölünip berlen karz serişdeleriniň mukdaryny köpeltmek, kiçi telekeçiligi höweslendirmek, ilat üçin karz we maliýe çeşmelerini köpeltmek zerur.

Şeýle hem milletiň Lideri döwlet býujetinden bölünip berilýän serişdeleriň köpüsiniň bilim, saglygy goraýyş we Pensiýa gaznasyna gönükdiriljekdigini aýtdy.