30-njy awgustda geçirilen Türkmenistanyň Ministrler Kabinetiniň mejlisinde wise-premýer Ç.Purçekow şu ýylyň 12-14-nji sentýabrynda «Türkmenistanyň energetika senagatynyň ösüşiniň esasy ugurlary» atly halkara sergini we ylmy maslahaty geçirmäge görülýän taýýarlyk işleriniň barşy barada hasabat berdi. Bu çärelere ýerli hem-de daşary ýurt kompaniýalarynyň, halkara guramalaryň, dürli ýurtlardan kärhanalaryň we işewürleriň 120-ä golaýynyň gatnaşmagyna garaşylýar. Sergini we maslahaty ýokary derejede geçirmek maksady bilen degişli maksatnama taýýarlanyldy.

Hormatly Prezidentimiz düýpli özgertmeler ýoluna ynamly düşen Türkmenistanda energetika pudagyna öňdebaryjy tehnologiýalaryň ornaşdyrylmagyna, ugurdaş düzümleriň toplumlaýyn döwrebaplaşdyrylmagyna uly üns berilýändigini belledi. Şonuň bilen birlikde, iň gowy dünýä tejribesiniň öwrenilmegine, daşary ýurtly hyzmatdaşlar bilen özara bähbitli hyzmatdaşlygyň pugtalandyrylmagyna uly ähmiýet berilýär diýip, döwlet Baştutanymyz Gurbanguly Berdimuhamedow aýtdy.