Şu gün paýtagtymyzdaky Konstitusiýa binasynyň öňündäki meýdançada Türkmenistanyň Harby akademiýasynyň diňleýjileriniň, Goranmak ministrliginiň Beýik Saparmyrat Türkmenbaşy adyndaky Harby institutynyň, Serhet institutynyň, Milli howpsuzlyk institutynyň we Içeri işler ministrliginiň institutynyň, şeýle hem Myrat Garryýew adyndaky Türkmenistanyň Döwlet lukmançylyk uniwersitetiniň harby lukmançylyk fakultetiniň uçurymlarynyň gutardyş dabarasy boldy. Dabarada hormatly Belent Serkerdebaşymyzyň şanly waka mynasybetli iberen Gutlagyndaky: «Milli gymmatlyklarymyzy, raýatlarymyzyň asuda we bagtyýar durmuşyny, döredijilikli zähmetini goramagy, türkmen jemgyýetinde kanunylygy, hukuk tertibini mundan beýläk-de pugtalandyrmagy mukaddes borç hasaplamalysyňyz» diýen sözleri geljekki serkerdeleriň kalbyna uly ruhubelentlik bolup ornaşdy.

Dabaranyň ahyrynda Türkmenistanyň Ýaragly Güýçleriniň Belent Serkerdebaşysy goşun generaly Serdar Berdimuhamedowyň adyna Ýüzlenme kabul edildi.

Dabara mynasybetli düşürilen täsirli pursatlary «Multimedia» bölümimizde görüp bilersiňiz!