Türkmen
dzýudoçylary sport janköýerlerini halkara ýaryşlardaky täze ýeňişler bilen
begendirmegi dowam edýärler. Ýakynda sportuň bu görnüşiniň wekillerinden
nobatdaky hoş habar Täjigistanyň paýtagty Duşenbe şäherinde geçirilen «Uly
tuwulga» ýaryşyndan gelip gowuşdy. Bu ýaryşda 66 kilograma çenli agram
derejesinde ýaryşan ildeşimiz Serdar Rahymow güýçli bäsdeşleriniň ählisinden
üstün çykyp, altyn medala mynasyp boldy.
Has takygy, 20
ýaşly türgen altyn medala uzaýan ýolda möhüm ýeňişleriň bäşisini gazandy. Şeýlelikde,
Serdar özüniň halkara üstünlikleriniň hataryna sport ýolunda ilkinji gezek «Uly
tuwulga» ýaryşlarynyň altyn medalyny goşdy. Bu ýeňşi Türkmen türgeniniň onuň şu
ýylyň tomsunda Fransiýanyň paýtagty Pariž şäherinde geçiriljek Olimpiýa
oýunlaryna gatnaşmak mümkinçiligini has ýokarlandyrdy. Onuň, mundan başga-da,
sebitleýin kubok ýaryşlarynda bir altyn, iki kümüş, açyk çempionatlarda bolsa
iki kümüş medaly bar.
Ýeri gelende
aýtsak, Türkmenistanyň dzýudo boýunça milli ýygyndysynyň tälimçiler we türgenler
düzümi 19 – 24-nji maý aralygynda Birleşen Arap Emirlikleriniň Abu-Dabi
şäherinde geçiriljek dünýä çempionaty ýokary derejede taýýarlyk görýärler.