Düýn – 11-nji noýabrda paýtagtymyzda 14 ýaşa çenli ýetginjek oglan-gyzlaryň arasynda geçirilýän tennis boýunça «Ashgabat Open 2024» atly halkara ýaryşyň açylyş dabarasy boldy. Ýaryşa Ýewropanyň we Aziýanyň 12 ýurdundan türgenler gatnaşýar.

Halkara ýaryşyň açylyş dabarasy paýtagtymyzyň Olimpiýa şäherçesiniň desgalarynyň düzümine girýän Tennis toplumynda guraldy. Sport toplumynyň meýdançasyna ýaryşa gatnaşyjy ýurtlaryň Döwlet baýdaklary we olaryň atlary ýazylan ýazgylar getirildi. Dabaraly ýagdaýda hormatly Prezidentimiz Serdar Berdimuhamedowyň Gutlagy okaldy.

«Ashgabat Open 2024» halkara ýaryşynyň sport baýramçylygy ruhunda geçirilýän günlerinde daşary ýurtly myhmanlar türkmen halkynyň myhmansöýerligi bilen ýakyndan tanşarlar. Bäsleşigi guraýjylar oňa gatnaşyjylar üçin medeni maksatnama taýýarladylar.

Şeýlelikde, janköýerlere tennis meýdançalaryndaky tolgundyryjy duşuşyklar garaşýar.