Türkmenistanyň Goranmak ministrliginiň harby bölüminiň täze desgalar toplumy dolandyryş binasyny, medeniýet öýüni, lukmançylyk nokadyny, esgerler ýatakhanasyny, esgerler naharhanasyny, sport meýdançasyny hem-de awtoulaglar parkyny öz içine alýar.

Täze gurlan desgalar ýurdumyzda amala aşyrylýan harby özgertmeleriň talaplaryna doly laýyk gelip, özüniň döwrebaplygy bilen tapawutlanýarlar. Milli binagärlik ýörelgelerine laýyklykda gurlan bu harby bölüm Watan goragçylarynyň öz gulluk borçlaryny talabalaýyk alyp barmaklaryna gönükdirilen amatly şertleriň ählisini özünde jemleýär. Halkara parahatçylyk we ynanyşmak ýylynda açylan bu täze, döwrebap desgalaryň türkmen telekeçileridir gurluşykçylary tarapyndan gurlandygy buýsançly ýagdaýdyr.