2-nji fewralda Türkmenistanyň Daşary işler ministrliginde Birleşen Milletler Guramasynyň hem-de onuň ýurdumyzda we sebitde işleýän agentlikleriniň ýolbaşçylary we wekilleri bilen duşuşyk geçirildi. Duşuşyga ganaşyjylaryň käbiri wideoaragatnaşyk hyzmatyndan peýdalandylar.

Hususan-da, maslahata BMG-niň agentlikleriniň, şol sanda BMG-niň Hemişelik utgaşdyryjysynyň, Ösüş maksatnamasynyň edaralarynyň, ÝUNISEF-iň, BSGG-niň we beýlekileriň 30-a golaýy gatnaşdylar.

Şeýle hem duşuşyga Birleşen Milletler Guramasynyň Merkezi Aziýa üçin öňüni alyş diplomatiýasy boýunça sebit merkeziniň wekilleri gatnaşdylar.

Maslahatyň barşynda şu ýyl üçin bellenilen meýilnamalary hem-de taslamalary netijeli durmuşa geçirmegiň meseleleri boýunça giňişleýin pikir alşyldy.