«Ashgabat Open 2024» ýaryşynyň çäginde ýaş tennisçileriň türkmen paýtagtynyň açyk birinjiligindäki duşuşyklary gyzgalaňly dowam edýär. Düýn – 13-nji noýabrda Olimpiýa şäherçesindäki Tennis toplumynda geçirilen duşuşyklar hem ýokary netijelere baý boldy. Ýaryşyň üçünji tapgyrynyň duşuşyklarynda türkmen tennisçileri öňe saýlandy.

Ýeri gelende bellesek, ildeşlerimiz Ilima Guseýnowa, Sapar Gylyjow, Begençgeldi Hummetow, Ýunus Annamyradow, Süleýman Hudaýberdiýew, Aly Geldiýew, Nazar Amangeldiýew, Gowşut Söýünow, Sülgün Işangulyýewa, Guwanç Döwletow, Aýnur we Nurana Agamyradowalar, Jennet Orazalyýewa, Aýlar Kakabaýewa, Mähri Mämmetgulyýewa, Anna Ponýatowa, Näzli Hudaýgulyýewa, Nurana Agamyradowa we Emirhan Rustamow dagy üstünlikli çykyş edip, duşuşyklaryň aglabasynda daşary ýurtly garşydaşlardan rüstem geldiler.

«Ashgabat Open 2024» şu gün dördünji tapgyryň duşuşyklary bilen dowam eder.