Şu gün ýaş watandaşlarymyz tomus dynç alyş möwsüminiň başlanmagy bilen ýurdumyzyň gözel ýerlerinde ýerleşýän çagalar sagaldyş-dynç alyş merkezlerinde dynç almaga ugur alýarlar. Şeýle merkezleriň biri bolan Türkmenistanyň Goranmak ministrliginiň garamagyndaky «Altyn ýyldyz» çagalar sagaldyş-dynç alyş merkezi hem Watan goragçylarynyň ýaşajyk perzentleriniň birnäçesini kabul eder. Çagalar sagaldyş-dynç alyş merkezlerine çagalaryň birinji toparyny multifilmleriň we ertekileriň gahrymanlary paýtagtymyzdan aýdym-sazly dabaralaryň astynda ugratdylar.

Dynç alyş döwrüniň dowamynda  çagalaryň wagtlaryny şadyýan geçirmeklik üçin «Altyn ýyldyz» çagalar sagaldyş-dynç alyş merkezinde oýun-güýmenje, sport we medeni çäreleriň birnäçesi geçiriler.

«Biz mähriban çagalarymyzy beden we ruhy taýdan sagdyn, ylymly-bilimli adamlar edip ýetişdirmek üçin hemişe alada ederis» diýip, hormatly Belent Serkerdebaşymyz Çagalary goramagyň halkara güni mynasybetli watandaşlarymyza iberen Ýüzlenmesinde nygtaýar. Milli Liderimiziň bu syýasaty biziň jemgyýetimizde ýaş nesile bolan aýratyn aladany emele getirip, olaryň çagalyk döwrüniň bagtly geçmegini gazanmagymyzy borçlandyrýar. «Multimediýa»

«Milli goşun».