...Meýdan asudalygyny «garşydaş» tarapyndan dolandyrylýan, ähli şertlerde ýöreýän awtoulaglaryň gopguny bozýar. Önümçilik desgasynyň barlag-goýberiş nokadyna ýetip, olar awtomatlaşdyrylan ýaraglarynyň kömegi bilen hüjüme geçýärler. Önümçilik desgasynyň garawulda duran harby gullukçylary «garşydaşyň» hüjümini birnäçe minutlap saklaýarlar, ondan soňra bolsa «Türkmen edermen» ýörite maksatly toparlary olara kömege gelýärler.

Kyn meýdan şertlerinde çalt sürmek üçin niýetlenen ýörite harby awtoulagynda gelen kömek, ýyldyrym çaltlygynda söweşjeň ýagdaýy üýtgedýär. Asmanda aňtaw drony peýda bolýar. Howadan alnan maglumatlary ulanyp, harby we hukuk goraýjy edaralarynyň «Türkmen edermen» ýörite maksatly toparlary tarapyndan desga «garşydaşyň» hüjüminden üstünlikli goralýar.

Şertli «garşydaşy» ýok etmek üçin dürli kysymly dikuçarlar kömege gelýärler. Olar şertli nyşanalara raketa urgularyny amala aşyrýarlar we pulemýotdan ot açýarlar. «Türkmen edermen» ýörite maksatly toparlarynyň täze gelen toparlary we howadan gelen kömek «garşydaşyň» yza çekilmegine getirýär. Şol mahal gelip ýetişen ýeňil sowutlanan harby tehnikasy «garşydaşyň» hereketlerini doly güýçden gaçyrýar.

Suratlary giňişleýin «Multimediýa» bölüminde görüp bilersiňiz.

«Milli goşun».