Ädimleriň sazlaşykly urgulary ajaýyp özboluşlylygy emele getirýär. Nyzam taýýarlygyny kämil derejelere ýetiren mert ýigitler ýadawlygy ýatdan çykaryp, öz serkerdeleriniň yzy bilen gadam urdular. Olaryň bu yhlasyna, zähmetine göni ýaýlymda Türkmenistanyň Garaşsyzlygynyň şanly 28 ýyllygy mynasybetli dabaraly harby ýörişi synlan ýurdumyzyň ähli raýatlary baha berdiler.

– Biziň edermen halkymyzyň jebisligini görkezýän, ýurdumyzda giň gerimde bellenilýän ählihalk baýramçylygynda guraljak dabaraly harby ýörişe gatnaşmak – bu meniň baş arzuwymdy. Bu dabaraly harby ýörişiň ýokary guramaçylyk derejesinde geçirilendigi bize ýatdan çykmajak duýgulary bagyş etdi – diýip, harby ýörişe gatnaşan kiçi seržant Süleýman Mergenow aýtdy.

Dabaraly harby ýörişde türk­men es­ger­le­ri döw­le­ti­mi­ziň he­mi­şe­lik ala­da­sy­na mynasyp jo­gap ber­mek bi­len, iň tä­ze har­by teh­ni­ka we ýa­rag­la­ra erk et­me­giň us­sat­ly­gy­ny, sö­weş­jeň taý­ýar­ly­gyň ýokary de­re­je­si­ni gör­kez­diler. Yzy­gi­der­li gu­ral­ýan harby türgenleşikler bolsa öň­de­ba­ry­jy söweş­jeň teh­ni­ka­laryň we ýaragla­ryň dür­li görnüşle­ri­ne erk et­me­k hem-de do­lan­dyr­ma­k endiklerini kämil ele almaga ýardam berýär.

Hormatly Belent Serkerdebaşymyzyň tagallasy esasynda Ýaragly Güýçlerimiziň maddy-enjamlaýyn binýadyny pugtalandyrmak maksady bilen täze satyn alnan tehnikalaryň diňe goranmak häsiýetli Harby doktrinamyzy pugtalandyrmaga gönükdirilendigi dünýä jemgyýetçiliginiň öňünde ýene-de bir gezek dabaraly harby ýörişiň üsti bilen äşgär edildi.

Suratlara «Multimediýa» bölüminden syn edip bilersiňiz!

«Milli goşun».