Türkmenistanyň Goranmak ministrliginiň garamagyndaky Watan goragçylarynyň çagalarynyň dynç alýan «Altyn ýyldyz» dynç alyş we sagaldyş merkezinde özboluşly joşgunly günler höküm sürýär. Bu ýerde dynç alyş möwsüminiň 2-nji tapgyrynyň başlanmagy mynasybetli sungat işgärleriniň konserti guraldy. Çagajyklar öz gowy görýän aýdymçylaryny diňe bir gözi bilen görmän, eýsem, olar bilen bilelikde aýdymlary ýerine ýetirmek mümkinçiligine eýe bolandyklary üçin örän hoşal boldular.

Türkmenistanyň dynç alyş we sagaldyş merkezlerindäki geçirilýän çagalar üçin dynç alyş möwsümi awgust aýynyň soňuna çenli dowam eder. Hormatly Belent Serkerdebaşymyzyň aladalary netijesinde ýaş neslimiziň dynç alýan merkezlerinde gyzykly wagt geçirmeklik üçin ähli şertler döredilendir.

Suratlara siňen pursatlar «Multimediýa» bölümimizde.

«Milli goşun».