Paýtagtymyzdaky köpugurly sport toplumynda Täze ýyl mynasybetli baýramçylyk konserdi geçirildi. Baýramçylyk lybasynda bezelen toplumda Täze ýyly mynasyp garşylaýan şäher ilatynyň hem-de onuň myhmanlarynyň konserde tomaşa etmäge gelenleriň ruhuny göterdi. Bu ýere Türkmenistanyň Mejlisiniň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň, ministrlikleriň hem-de pudaklaýyn dolandyryş edaralaryň, jemgyýetçilik guramalaryň ýolbaşçylary, daşary ýurtlaryň Türkmenistanda işleýän diplomatik wekilhanalarynyň baştutanlary, ýurdumyzyň daşary ýurtlardaky ilçileri, köpçülikleýin habar beriş serişdeleriniň we medeniýet guramalaryň işgärleri, sungat ussatlary we beýlekiler ýygnandylar.