Şu gün hormatly Prezidentimiz Serdar Berdimuhamedowyň gatnaşmagynda Magtymguly Pyragy medeni-seýilgäh toplumynyň hem-de dana şahyrymyzyň heýkeliniň açylyş dabarasy özboluşly şowhuna eýe boldy.

Magtymguly Pyragynyň heýkeliniň öňündäki meýdançada ýörite taýýarlanan häzirki zaman tehnologiýalaryň – yşyklaryň we dronlaryň üsti bilen şekilleriň görkezilişi, baýramçylyk feýerwerkleri asuda asmanyň gijeki keşbini bezedi. Magtymguly Pyragynyň keşbini, «Pähim-paýhas ummany Magtymguly Pyragy» ýylymyzyň taryhy wakalaryny, bagtyýar türkmen halkymyzyň Gahryman Arkadagymyza, Arkadagly Gahryman Serdarymyza çäksiz alkyşlaryny şekillendiren dronlaryň şowhuny hem-de köpöwüşginli feýerwerkler özboluşly baýramçylyk ruhuny döretdi.