Täze dogan her bir güni hoş habarlar bilen garşy almak halkymyzda asylly däbe öwrülip gitdi. Ajaýyp hoş habarlar agzybir halkymyzyň dostana, mähriban kalbyndan gözbaş alýar. Ýurdumyzda Türkmenistanyň saglygy goraýyş we derman senagaty işgärleriniň güni mynasybetli Türkmenistanyň Prezidenti Serdar Berdimuhamedowyň Permanyna laýyklykda,  Germaniýa Federatiw Respublikasynyň Mýunhen şäheriniň Dritter Orden hassahanasynyň çaga we neýroortopediýa bölüminiň müdiri doktor Frimberger Winsent, «Çalyk Holding» kompaniýalar toparynyň dolandyryjylar geňeşiniň başlygy Ahmet Çalyk Türkmenistanyň «Arkadag» medaly bilen sylaglanyldy. Bu türkmen halkymyzyň dost-doganlyk gatnaşyklaryna uly sarpa goýýandygynyň nobatdaky subutnamasy boldy.

Garaşsyz,hemişelik Bitarap Türkmenistanyň amala aşyrýan halkara gatnaşyklaryny berkitmekde, ýurdumyzda saglygy goraýyş ulgamyny döwrebaplaşdyrmakda, ynsanperwerlik, haýyr-sahawat, meýletinçilik hereketini, halkyň saglygyny goraýyş işini ösdürmekde, howandarlyga mätäç çagalara saglygy goraýyş kömegini bermekde bitiren hyzmatlaryny, keselleriň öňüni alyş we sagaldyş-dikeldiş işiniň oňyn tejribelerini ornaşdyrmaga goşan uly şahsy goşandyny nazara alyp, daşary ýurtly raýatlara berlen bu döwlet sylagy dostana gatnaşyklarynyň barha gülleýändigini alamatlandyrýar.

Türkmenistan döwletimiziň aýdyň geljeginiň dabaralanmagynda, ylym-bilim, saglygy goraýyş, sport we bedenterbiýe ýaly halk hojalygynyň möhüm ähli ugurlarynda ösüş-özgerişleri gazanmagynda goňşy döwletleriň, dost-doganlyk halklarynyň ebedi gatnaşyklary iňňän möhümdir. Türkmen halky şeýle döwletli başlangyçlara öz goşandyny goşýan ynsanlary sarpalaýar, mertebeleýär.