25-nji sentýabrda paýtagtymyz Aşgabatda hormatly Belent Serkerdebaşymyzyň baştutanlygynda Türkmenistanyň Halk maslahatynyň mejlisi geçirildi. Ählihalk mejlisinde ýurdumyzyň geljekki ösüşi bilen bagly ähmiýetli meseleler ara alnyp maslahatlaşyldy.

Maslahata gatnaşyjylar hormatly Prezidentimiziň çykyşyny uly üns bilen diňlediler. Milli Liderimiz öz çykyşynda ýurdumyzyň mukaddes Garaşsyzlygynyň ähmiýetiniň uludygyny belläp, Bitarap Türkmenistanyň halkara arenasynda gazanan üstünlikleri barada aýratyn nygtady.

Ýurdumyzyň geljekdäki ösüşi bilen bagly meseleler babatda, hormatly Belent Serkerdebaşymyz sanly tehnologiýalaryň doly girizmek, agrosenagat pudagynda reformalary geçirmek we welaýatlary özgertmek boýunça işleri dowam etdirmelidigini aýtdy.

Çykyşynyň çäklerinde Milli Liderimiz Sanly tehnologiýalaryň merkezini döretmek hem-de Halk maslahaty we Türkmenistanyň Mejlisini bir bitewi wekilli häkimiýet ulgamyna birleşdirmek baradaky tekliplerini aýtdy.

        Suratlary «Multimediýa» bölüminden görüp bilersiňiz!

«Milli goşun».