Şu gün Türkmenistanyň harby we hukuk goraýjy edaralarynyň ýokary harby okuw mekdepleriniň gutardyş dabarasy geçirildi. Paýtagtymyzdaky Konstitusiýa binasynyň öňündäki meýdançada geçirilen bu dabara döwletimiziň harby we hukuk goraýjy edaralarynyň ýolbaşçylary, ýokary okuw mekdepleriniň uçurymlary we professor-mugallymlary gatnaşdylar. Dabaranyň başynda hormatly Prezidentimiziň Türkmenistanyň harby we hukuk goraýjy edaralarynyň ýokary okuw mekdepleriniň uçurymlaryna, serkerdelerine, professor-mugallymlaryna iberen Gutlagy buýsanç bilen okaldy. Bu Gutlag dabara gatnaşanlaryň ählisinde uly ruhubelentlik döretdi.

Dabarada harby we hukuk goraýjy edaralarynyň ýokary okuw mekdepleriniň we Myrat Garryýew adyndaky Türkmenistanyň Döwlet lukmançylyk uniwersitetiniň Harby-lukmançylyk fakultetiniň uçurymlary nyzama durup, Döwlet baýdagymyzyň astynda uly buýsanç bilen Döwlet senamyzy ýerine ýetirdiler. Soňra ýokary harby okuw mekdepleriniň uçurymlaryna ilkinji «leýtenant» harby ady, serkerdelik şahsyýetnamasy, ýokary okuw mekdebini tamamlandygy hakynda şahadatnama we ýörite nyşan dabaraly ýagdaýda gowşurdy.